Centro comercial Camelias: Zara

"E por último aquí está

O modelo de industria

De mulleres

En cadea

Un modo de produción

Sumamente rendible

Para a economía do país

Mágoa que se axuste tan pouco

Ó produto autóctono

De carnes tradicionalmente alimentadas

Con botelos, touciños e lacón

A revolución industrial.

As mulleres de talle 36

Embutidas no que antes

Utilizariamos 

Para facer uns bos chourizos.

Todas iguais

Unha por unha.

Unha produción ilimitada

Nun mercado mutilador

Se cadra agora haberá que xustificar

Que segue sendo humana

Mesmo se non cabe

Na roupa de Zara."

                         María Reimóndez.